D u q xitay hökümitining milliy ziddiyetni kücheytiwatqanliqini eyiplidi


2004.12.23
Share on WhatsApp
Share on WhatsApp

Bash shitabi gérmaniyidiki dunya Uyghur qurultiyi peyshenbe küni, xitay hökümitining sherqiy türkistandiki atalmish térrorluq heriketler heqqide memliket miqyasida teshwiqat pa'aliyiti élip bérip, xitay puqralirida Uyghur milliy musteqilliq heriketlirige nisbeten xata chüshenche peyda qiliwatqanliqini eyiplidi. Hemde bu arqiliq, Uyghurlar bilen xitaylar otturisidiki ziddiyetni kücheytiwatqanliqini körsetti.

Bash shitabi gérmaniyidiki dunya Uyghur qurultiyi peyshenbe küni, xitay hökümitining sherqiy türkistandiki atalmish térrorluq heriketler heqqide memliket miqyasida teshwiqat pa'aliyiti élip bérip, xitay puqralirida Uyghur milliy musteqilliq heriketlirige nisbeten xata chüshenche peyda qiliwatqanliqini eyiplidi. Hemde bu arqiliq, Uyghurlar bilen xitaylar otturisidiki ziddiyetni kücheytiwatqanliqini körsetti.

Dunya Uyghur qurultiyining bildürüshiche, Uyghur aptonum rayonluq jama'et xewpsizlik nazariti, Uyghur élidiki atalmish térrorluq we bölgünchilik heriketlirini basturushta xizmet körsetken kishilerdin guruppa teshkillep, 12 - ayning 15 - künidin bashlap, xitayning her qaysi chong sheherliride doklat bérishke orunlashturghan. Mezkur guruppidikiler, Uyghur élidiki atalmish térrorluq heriketliri we ulargha zerbe bérish yolida özlirining körsetken xizmetlirini doklat qilidiken.

Dunya Uyghur qurultiyining bayanatchisi dilshat rishit, xitay hökümitining bu arqiliq Uyghurlarning milliy azadliq heriketlirini qesten qarilap, xitay puqralirining Uyghurlargha bolghan öchmenlikini qozghawatqanliqini qattiq eyiplidi.

Dilshat rishit shundaqla yene, xitay hökümitini bu xil qilmishlirini toxtitip, sherqiy türkistan mesilisini siyasiy yol bilen hel qilishqa yüzlinishke chaqirdi. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet