Dunya Uyghur qurultiyi " xelq wekilliri" ni qattiq eyiplidi


2005.01.16
Share on WhatsApp
Share on WhatsApp

Dunya Uyghur qurultiyi yekshenbe küni bayanat élan qilip, Uyghur aptonum rayonluq xelq qurultiyi we siyasiy kéngeshning yighinlirigha qatnishiwatqan, atalmish "xelq wekilliri" ning xelqning heqiqiy teleplirini anglatmaywatqanliqini qattiq eyiplidi.

Uyghur aptonum rayonluq 10 - nöwetlik xelq qurultiyining 3 - omumiy yighini we 9 - nöwetlik siyasiy kéngeshning 3 - omumiy yighini bir heptidin buyan ürümchi shehiride échiliwatqan idi.

Dunya Uyghur qurultiyining bayanatchisi dilshat rishitning bildürishiche, atalmish xelq wekilliri sherqiy türkistandiki xelqlerning menpe'etige uyghun ijabiy teshebbuslarni emes, belki xitay hökümitining Uyghurlargha qaratqan diniy, siyasiy we ma'arip jehettiki siyasetlirini küchlendüridighan pikirlerni otturigha qoyghan.

Mesilen, ghulja xelqining wekili süpitide yighin'gha qatnashqan ghulja sheherlik ma'arip idarisining mu'awin bashliqi abliz ablimit, Uyghur milliy ma'aripini qandaq tereqqiy qildurushning ornigha, 2007 - yili ghulja shehiri tewesidiki barliq milliy bashlan'ghuch - ottura mekteplerde pütünley xitayche oqutushni emelge ashurushni otturigha qoyghan. Xelq wekili ömerjan mirzexmet, déhqanlarning emeliy düch kelgen mesililirini inkas qilmastin, belki kompartiyining nöwette yézilarda yürgüzüwatqan siyasitini maxtighan.

Dunya Uyghur qurultiyi bayanatining axirida, xitay hökümitini söz erkinlikige yol qoyup, Uyghur xelqining heqiqiy teleplirige qulaq sélishqa chaqirdi. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet