Dunya Uyghur qurultiyi xitay aliy sot mehkimisining bayanitini eyiplidi


2005-02-22
Share

Dunya Uyghur qurultiyi seyshenbe küni bayanat élan qilip, xitay aliy sot mehkimisining bashliqi shyaw yangning , "ediliye sistémisi puqralarning kishilik hoquqini qoghdashta zor netijilerni qolgha keltürdi" dégen sözige reddiye berdi.

Xitay aliy sot mehkimisining bashliqi shyaw yang, yéqinda xitaydiki "kishilik hoquq" zhornilining ziyaritini qubul qilip," kishilik hoquqni qoghdash xitayning asasiy qanunigha kirgüzilishi bilen pütün memlikettiki ediliye sistémiliri kishilik hoquqni qanuniy kapaletke ige qilishqa tirishti" dégen.

U yene, ediliye sistémisining kishilik hoquqni qoghdashta zor netijilerni qolgha keltürgenlikini, bolupmu ölüm jazasi bérishni qattiq kontrol qilip, ölüm jazasi bérish tertibini chingaytqanliqini körsetken idi.

Dunya Uyghur qurultiyining bayanatchisi dilshat rishit , shyaw yangning emeliyetni burmilighanliqini qattiq eyiplidi. U bayanatida "Uyghur siyasiy mehbusliri sotqa tartilghanda, qanunda belgilen'gen héchqandaq hoquqtin behriman bolalmaywatidu. Xitay hökümiti nurghun Uyghurlargha siyasiy sewebtin ölüm jazasi bériwatidu. Halbuki xitay ediliye da'iriliri ulargha ölüm jazasi bergende we yaki ölüm ijra qilghanda, qanuniy tertipler boyiche emes, belki xitay hökümitining ihtiyaji bilen ish körüwatidu" dédi.

Dilshat rishit, xitay aliy sot mehkimisining bashliqi shyaw yangning, b d t ning kiler ayda jenwede échilidighan kishilik hoquq yighinining harpisida, xitaydiki kishilik hoquqning yaxshilan'ghanliqi heqqide söz qilip, xelq'ara jem'iyetning bésimini yenggillitishke uruniwatqanliqini körsetti. U axirida, xitay hökümitini puqralarning qanunda belgilen'gen hoquqlirigha heqiqiy kapaletlik qilishqa chaqirdi. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet