Д у қ ниң муавин рәиси әнвәр җан җәнвә кишилик һоқуқ йиғинида сөз қилди


2005-04-14
Share

Дуня уйғур қурултийиниң муавин рәиси әнвәр җан, б д т ниң җәнвә кишилик һоқуқ йиғинида, хитай һөкүмитини уйғурларниң миллий вә кишилик һоқуқлирини дәпсәндә қилиш билән әйиплиди.

Әнвәр җан, явропа парламентидики дөләтләр ара радикал партийисиниң капалити астида йиғинниң алдинқи күнки музакирисидә сөз қилиш пурситигә еришкән. У, йиғинда уйғур аптоном райониниң кишилик һоқуқ вәзийитини тонуштуруп, "хитай һөкүмити уйғурларниң миллий вә кишилик һоқуқлирини кәң көләмдә дәпсәндә қилмақта," дәп көрсәтти. Әнвәрҗан, уйғурларниң йәр - земин, су вә тәбиий байлиқлар игидарчилиқ қилиш, әвлад қалдуруш һоқуқи , тил, мәдәнийәт вә миллий маарипини тәрәққий қилдуруш, диний ибадәт әркинлики еғир дәриҗидә дәпсвәндә қилиниватқанлиқини тәкитлигән.

У, бейҗиң даирилирини уйғурларниң тәбиий көпийишини чәкләш, сияси вә диний мәһбусларға өлүм җазаси бериш шундақла йәрликләрниң игидарчилиқидики йәр - земин вә терилғу йәрләрни хитай көчмәнлириниң тартивелишиға қолайлиқ яритип бериш билән тәнқидлигән.

Бу дуня уйғур қурултийи вәкилиниң бу йилқи җәнвә кишилик һоқуқ йиғинида 2 - қетим сөзқилиши болуп һесаблиниду. Биринчи қетим 30 - март күни дуня уйғур қурултийиниң рәиси әркин алп текин сөз қилған. Әнвәр җан б д т ниң җәнвә йиғинида сөз қилған күни, мәркизи ню - йорктики кишилик һоқуқни көзүтүш тәшкилати уйғурларниң диний ибадәт әркинлики тоғрисида доклат елан қилип, хитай һөкүмитини уйғурларниң диний ибадәт әркинликигә кәң - көләмдә бузғунчилиқ қилиш билән әйиблигән иди. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт