D u q ning mu'awin re'isi enwer jan jenwe kishilik hoquq yighinida söz qildi
2005.04.14
Dunya Uyghur qurultiyining mu'awin re'isi enwer jan, b d t ning jenwe kishilik hoquq yighinida, xitay hökümitini Uyghurlarning milliy we kishilik hoquqlirini depsende qilish bilen eyiplidi.
Enwer jan, yawropa parlaméntidiki döletler ara radikal partiyisining kapaliti astida yighinning aldinqi künki muzakiriside söz qilish pursitige érishken. U, yighinda Uyghur aptonom rayonining kishilik hoquq weziyitini tonushturup, "xitay hökümiti Uyghurlarning milliy we kishilik hoquqlirini keng kölemde depsende qilmaqta," dep körsetti. Enwerjan, Uyghurlarning yer - zémin, su we tebi'iy bayliqlar igidarchiliq qilish, ewlad qaldurush hoquqi , til, medeniyet we milliy ma'aripini tereqqiy qildurush, diniy ibadet erkinliki éghir derijide depswende qiliniwatqanliqini tekitligen.
U, béyjing da'irilirini Uyghurlarning tebi'iy köpiyishini cheklesh, siyasi we diniy mehbuslargha ölüm jazasi bérish shundaqla yerliklerning igidarchiliqidiki yer - zémin we térilghu yerlerni xitay köchmenlirining tartiwélishigha qolayliq yaritip bérish bilen tenqidligen.
Bu dunya Uyghur qurultiyi wekilining bu yilqi jenwe kishilik hoquq yighinida 2 - qétim sözqilishi bolup hésablinidu. Birinchi qétim 30 - mart küni dunya Uyghur qurultiyining re'isi erkin alp tékin söz qilghan. Enwer jan b d t ning jenwe yighinida söz qilghan küni, merkizi nyu - yorktiki kishilik hoquqni közütüsh teshkilati Uyghurlarning diniy ibadet erkinliki toghrisida doklat élan qilip, xitay hökümitini Uyghurlarning diniy ibadet erkinlikige keng - kölemde buzghunchiliq qilish bilen eyibligen idi. (Erkin)
Munasiwetlik maqalilar
- Dunya Uyghur qurultiyi xitay aliy sot mehkimisining bayanitini eyiplidi
- Yipek yolini janlandurush pilani "ortaq wiza" tüzümi yolgha qoyulushni közleydu
- B d t qedimiy yipek yolini janlandurushni pilanlimaqta
- Dunya Uyghur qurultiyi pütün dunyadiki Uyghurlarning qurban héytini qutluqlidi
- Dunya Uyghur qurultiyi jaw ziyanggha baha berdi