Д у қ шивитсарийә сақчилириниң йолсиз қилмишлирини әйиплиди


2005-04-21
Share

Дуня уйғур қурултийи пәйшәнбә күни баянат елан қилип, шивитсарийә сақчилириниң дуня уйғур қурултийиниң баш катипи долқун әйса әпәндигә қаратқан йолсиз қилмишлирини қаттиқ әйиблиди.

Қурултай баянатчиси дилшат ришитниң билдүрүшичә, б д т кишилик һоқуқ комитетиниң йиллиқ йиғини җәнвәдә ечиливатқан бир пәйттә, долқун әйса әпәнди вә бир қисим уйғурлар германийидин шивитсарийигә келип, тибәтләр билән бирликтә 7 - април күни б д т бинасиниң алдида тинчлиқ намайиши өткүзгән.

Намайиштин кәйин, долқун әйса әпәнди һәмралири билән мәйдандин айрилишқа тәмшәлгәндә, шивитсарийә сақчилири уларни қоршавға елип, долқун әйса әпәндиниң кимлик кенишкисини тәкшүргән. Арқидин уни сақчи понкитиға елип кәткән. Сақчилар, долқун әйса әпәндини бәш саәт әтрапида тутуп турған һәмдә бу җәрянда униң адвокат билән көрүшүш тәлипини рәт қилған.

Дилшат ришит баянатида, бундақ кишилик һоқуқ дәпсәндичиликиниң " б д т кишилик һоқуқ комитетиниң оргини турушлуқ, кишилик һоқуқни қоғдаш пайтәхти дәп нам алған җәнвәдә йүз бәргәнликидин интайин әпсуслинидиғанлиқини билдүрди.

Дилшат ришит ахирида, дуня уйғур қурултийиниң долқун әйсаниң сәвәбсиз қолға елинишиға қаттиқ нарази болғанлиқини билдүрди һәмдә бу наразилиқини шивитсарийә һөкүмитигә йәткүзгәнликини көрсәтти. Униң ейтишичә, дуня уйғур қурултийи хәлқара җәмийәтниң бу мәсилигә болған диққитини қозғаш үчүн давамлиқ тиришидикән. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт