D u q shiwitsariye saqchilirining yolsiz qilmishlirini eyiplidi


2005.04.21
Share on WhatsApp
Share on WhatsApp

Dunya Uyghur qurultiyi peyshenbe küni bayanat élan qilip, shiwitsariye saqchilirining dunya Uyghur qurultiyining bash katipi dolqun eysa ependige qaratqan yolsiz qilmishlirini qattiq eyiblidi.

Qurultay bayanatchisi dilshat rishitning bildürüshiche, b d t kishilik hoquq komitétining yilliq yighini jenwede échiliwatqan bir peytte, dolqun eysa ependi we bir qisim Uyghurlar gérmaniyidin shiwitsariyige kélip, tibetler bilen birlikte 7 - april küni b d t binasining aldida tinchliq namayishi ötküzgen.

Namayishtin keyin, dolqun eysa ependi hemraliri bilen meydandin ayrilishqa temshelgende, shiwitsariye saqchiliri ularni qorshawgha élip, dolqun eysa ependining kimlik kénishkisini tekshürgen. Arqidin uni saqchi ponkitigha élip ketken. Saqchilar, dolqun eysa ependini besh sa'et etrapida tutup turghan hemde bu jeryanda uning adwokat bilen körüshüsh telipini ret qilghan.

Dilshat rishit bayanatida, bundaq kishilik hoquq depsendichilikining " b d t kishilik hoquq komitétining orgini turushluq, kishilik hoquqni qoghdash paytexti dep nam alghan jenwede yüz bergenlikidin intayin epsuslinidighanliqini bildürdi.

Dilshat rishit axirida, dunya Uyghur qurultiyining dolqun eysaning sewebsiz qolgha élinishigha qattiq narazi bolghanliqini bildürdi hemde bu naraziliqini shiwitsariye hökümitige yetküzgenlikini körsetti. Uning éytishiche, dunya Uyghur qurultiyi xelq'ara jem'iyetning bu mesilige bolghan diqqitini qozghash üchün dawamliq tirishidiken. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet