Uyghurlar mesilisi, italiyidiki xelq'araliq yighinda otturigha qoyulidu


2005-05-05
Share

Kishilik hoquq mesililirige köngül böliwatqan merkizi italiyidiki réyti muhajirlar jem'iyiti, italiye tenherketchiler birleshmisi, finlandiye qizil krést jem'iyiti, girmaniyidiki dunya Uyghur qurultiyi qatarliq alte xelq'araliq teshkilat birliship, charshenbe küni italiyining réyti shehiride " tosaqlardin ötüsh" témisida yighin achti.

Yighin'gha qatnashqan dunya Uyghur qurultiyining bash katipi dolqun eysa ependining bildürüshiche, xelq'aradiki 93 teshkilatning wekilliri qatnashqan bu qétimqi yighinda asasliqi, yawropadiki muhajirlar we iltijachilar mesilisi, fashizmgha, ayrimichiliqqa we irqchiliqqa qarshi turush, metbu'at we alaqe ishlirida mewjut boliwatqan mesililer qatarliq témilarda muzakire élip bérilidu.

Dolqun eysa ependining éytishiche, yighin'gha qatnashqan Uyghur wekilliri yawropada iltija qilghan Uyghurlarning mesilisi , Uyghurlarning medeniyiti we ma'aripining yoqitishqa uchrawatqanliq mesilisi qatarliqlarni otturigha qoyidiken. Shundaqla Uyghurlar düch kéliwatqan kishilik hoquq weziyitini tonushturidiken. Mezkur yighin 8 - mart künigiche dawamlishidiken. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet