Dunya Uyghur qurultiyining wekilliri italiyidiki "tosaqlardin ötüsh" xelq'ara yighinigha qatnashti


2005-05-10
Share

Merkizi gérmaniyidiki dunya Uyghur qurultiyining bash katipi dolqun eysa qatarliqlar, aldinqi küni italiyining réyti shehride axirlashqan "tosaqlardin ötüsh" namidiki xelq'ara muhakime yighinigha qatniship, yawropa elliridiki Uyghur musapirlarning ehwalini tonushturdi shundaqla Uyghur musapirlargha köngül bölünüshni telep qildi. Dolqun eysa bu sözlerni yighinning "musapirlar we siyasi panalan'ghuchilar komitéti" diki guruppa muzakire yighinigha riyasetchilik qilghanda sözligen.

Bu qétimqi yighinda dunya Uyghur qurultiyining ma'arip ishlar hey'iti qeyser abdurusul, Uyghurlar duch kéliwatqan her xil ayrimichiliqlar heqqide melumat bergen. Yighinda siyasi panalan'ghuchilar we musapirlar , fashizimgha qarshi xelq'ara ittipaq, köp qirliq ayrimichiliqlar, islam we yehudi düshmenliki, metbu'at, alaqe we ériqchiliqqa qarshi turush lahiyilirini shundaqla bu tosaqlarni halqish charilirini muzakire qilghan.

"Tosaqlarni halqish" namidiki bu qétimqi yighin yawropa kéngishining iqtisadi yardimi bilen échildi, emma yighinni italiyidiki riti muhajirlar jem'iyiti, italiye tenheriketchiler birleshmisi, finlandiye qizil krést jem'iyiti, rusiyidiki kishilik hoquq yashlar herikiti, dunya Uyghur qurultiyi qatarliq teshkilatlar uyushturghan.

Yighin'gha 40 qa yéqin dölettiki 93 ammiwi teshkilat wekilliri ishtirak qildi. Uyghurlarning hazirqi weziyiti yighinning muzakire küntertipige kirgüzülgen. Yighinda Uyghur aptonom rayonidiki atom sinaqlirining tesiri eks - ettürülgen höjjetlik filim "yipek yolidiki ölüm" körsitildi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet