D u q re'isi erkin aliptékin ependining kanadadiki ziyariti dawamlashmaqta


2005-05-16
Share

Dunya Uyghur qurultiyining re'isi erkin aliptékin ependi yekshenbe küni kanada Uyghur jem'iyiti we toronto uniwérsitéti birlikte ötküzgen " xitay hökümranliqi astidiki Uyghurlarning bügünki ehwali" témisidiki muhakime yighinigha qatnashti.

Erkin aliptékin ependi yighinda söz qilip, Uyghurlarning yashash shara'itining barghansiri nacharlishiwatqanliqini, xitay hökümitining "térrorchiliqqa qarshi turush" namida, Uyghurlargha qaratqan qattiq qol basturush siyasitining ötkenki her qandaq waqitningkidin éship chüshkenlikini bildürdi. U yene Uyghurlarning weziyitining nöwette barghansiri xelq'ara jem'iyetning diqqitini qozghawatqanliqini körsetti.

Muhakime yighinigha, dunyaning her qaysi jayliridin kelgen Uyghurlar, gherb mutexessisliri, kishilik hoquq teshkilatlirining wekilliri we diplomatlardin bolup 150 ke yéqin adem qatnashqan.

Yighin'gha qatnashquchilar, Uyghur élidiki Uyghurlarning kishilik hoquq weziyitining intayin nacharliqini bildürüp, kanada hökümitini bu heqte xitaygha bésim ishlitishke chaqirdi.

Bu qétimqi yighin dunya Uyghur qurultiyining re'isi erkin aliptékin ependining toronto ziyaritining muhim bir terkibi qismi . Buning aldida, u kanadaning sabiq tashqi ishlar ministiri, kanada parlaménti kishilik hoquq komitétining re'isi deywid kilgor ependi bilen kanada parlaméntida mexsus söhbet ötküzgen.

Dunya Uyghur qurultiyining bildürüshiche, kilgor ependi erkin aliptékin ependining Uyghurlarning nöwettiki weziyiti heqqide bergen melumatini anglighandin kiyin, Uyghurlar dewasining kanadada yiltiz tartishigha ishinidighanliqini we özining Uyghurlarning weziyitige bundin kiyin téximu köngül bölidighanliqini bildürgen.

Erkin aliptékin ependi ötken peyshenbe küni kanadagha kelgen bolup, u seyshenbe küni kanadadiki ziyaritini axirlashturup, amérikining washin'gton shehirige kélidu hemde dangliq Uyghur kishilik hoquq pa'aliyetchisi rabiye qadir xanim bilen uchriship, Uyghur mesilisi heqqide muzakire élip baridu. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet