Dunya Uyghur qurultiyi, amérika tashqi ishlar yardemchi ministirigha xet ewetti


2005-08-01
Share

Dunya Uyghur qurultiyi, xitayni ziyaret qiliwatqan amérika yardemchi tashqi ishlar minsitiri robirt zolikdin, xitay hökümitige térrorchiliqqa qarshi urushtin paydilinip Uyghurlarning siyasiy herikitini basturmasliqini bildürüshini telep qildi.

Amérika yardemchi tashqi ishlar minstiri robirt zolik, xitay rehberliri bilen amérika- xitay munasiwetliri, ikki dölet otturisida mewjut soda ixtilapi, teywen mesilisi, xelq'ara térrorchiliqqa qarshi urush we xitay - yaponiye munasiwetliri qatarliq mesililerde söhbet élip baridiken.

Gérmaniye agéntliqining xewer qilishiche, dunya Uyghur qurultiyi zolikqa ewetken xétide, uningdin, xitay rehberliri bilen élip baridighan söhbetliri jeryanida, Uyghurlarning kishilik hoquq mesilisini otturigha qoyushini we xitay hökümitini térrorchiliqqa qarshi urushtin Uyghurlarni basturush üchün paydilanmasliq toghrisida agahlandurushini telep qilghan.

Köpchilikke melum bolghandek, xelq'ara kechürüm teshkilati shundaqla Uyghur pa'aliyetchiliri xitay hökümitini, xelq'ara térrorchiliqqa qarshi urushtin Uyghurlarning milliy, diniy we siyasiy hoquqini basturush üchün paydiliniwatidu, dep eyiblimekte. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet