Dunya Uyghur qurultiyi: xitay hökümiti "qerellik bomba" hazirlawatidu

Merkizi gérmaniyidiki dunya Uyghur qurultiyi jüme küni bayanat élan qilip, Uyghur aptonom rayonining weziyitini qerellik bombigha oxshatti.

Qurultayning Uyghur aptonom rayoni qurulghanliqining 50 yilliqini tebriklesh pa'aliyiti ötküzülüshtin bir kün ilgiri élan qilghan bayanatida, "siyasi jehettiki basturush, medeniyet jehettiki assimilyatsiye, iqtisadiy ékspilatatsiye, ékélogiyilik buzghunchiliq we irqiy kemsitish siyasiti sherqiy türkistanni qerellik bombigha aylandurup qoydi," dep tekitlidi.

Dunya Uyghur qurultiyining agahlandurushiche, xitay da'irilirining siyasiti sherqiy türkistanda xitaygha qarshi keypiyatni yuqiri kötürüsh rolini oynighan.

Buningdin ilgiri sherqiy türkistan azadliq teshkilati, eger xitay hökümiti rayondiki siyasitini özgertmise, qoralliq wastilarni qollinidighanliqini agahlandurghan.

Dunya Uyghur qurultiyining bayanatchisi dilshat rishit, dunya Uyghur qurultiyi qoralliq küresh yolini tutmaydu, qollimaydu we buninggha ilhamlandurmaydu, dédi. Emma u, sherqiy türkistan azadliq teshkilatining qoralliq wastilarni qollinish toghrisidiki bayanatigha baha bérishni ret qildi. (Erkin)