Dunya Uyghur qurultiyi xitayni Uyghur musulmanlirini gherbke qarshi küshkürtüsh bilen eyiblidi


2006-02-07
Share

Xitay tashqiy ishlar ministirliqi seyshenbe küni gherb metbu'atlirini muhemmed peyghemberning hejiwi resimini élan qilip,musulmanlarning diniy hissiyatigha azar bérish bilen eyibligendin kéyin, merkizi gérmaniyidiki dunya Uyghur qurulyiti shu küni élan qilghan bayanatida, xitay hökümiti musulmanlarning diniy hissiyati azar yigenlikini bahane qilip, Uyghurlarni gherp ellirige qarshi küshkürtmekte dep eyiblidi.

Dunya Uyghur qurultiyining bayanatchisi dilshat rishit, " biz axbarat erkinlikini qollaymiz, emma axbarat erkinliki her qaysi din muxlislirining diniy hissiyatini hörmet qilish chégrisidin halqip ketmesliki kérek,dep qaraymiz" dédi. U, " xitay hökümiti bu weqeni bahane qilip, Uyghur, tunggan qatarliq musulman xelqlerni gherbke qarshi küshkürtüshke urunmaqta. Eger béyjing hökümitining peyghembirimizni hörmet qilish meyli bolsa, aldi bilen sherqiy türkistandiki meschit derwazilirigha ésilghan ayallar, yash - ösmürler, ishchi - xizmetchiler meschitke kirishke bolmaydu, dep yézilghan lozunkilarni éliwétish kérek, ramizan éyida oqutquchi, oqughuchi we dölet ishchi‏- xizmetchilirini tamaq yiyishke zorlimasliqi kérek" deydu.

Kung chüen, seyshenbe küni élan qilghan bayanatida tereplerni özini tutuwélishqa chaqirip, " késelni dawalashning prinsipi oxshimighan dinlar we medeniyetler öz ‏- ara bir - birini hörmet qilish, tinchliqta birge turush we öz ara maslishish " dep tekitligen. U, " biz munasiwetlik tereplerning temkin bolush, soghuqqan bolushini we mesilining alaqe - di'alog yoli bilen hel qilinishini ümid qilimiz " deydu.

Bu arida daniyining hindonéziyidiki elchixanisi namayishchilar teripidin tash boran'gha tutulghan. Daniye hökümiti bu dölettiki puqralirini hindonéziyidin ayrilishqa chaqirdi. Pakistanda seyshenbe küni 5000 kishi namayish qilghan. Filipinda musulmanlar daniye bayriqini köydürdi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet