D u q Uyghur teshkilatliri térrorchi teshkilat emes dep yene bir qétim tekitlidi

Dunya Uyghur qurultiyi peyshenbe küni, Uyghur aptonom rayonluq partkomning " sherqiy türkistan müsteqilchiliri" teshkilatining bölgünchilik we singip kirish pa'aliyetlirige zerbe bérish heqqidiki höjjiti munasiwiti bilen bayanat élan qildi.

Dunya Uyghur qurultiyining bayanatchisi dilshat rishit, teywen merkizi agéntliqining ziyaritini qobul qilip, xitay dölet re'isi xu jintawning ötken ay " shangxey hemkarliq teshkilati rehberlirining yighini"gha qatniship qilghan sözi hemde her qaysi terep rehberlirining térrorchiliqqa qarshi küreshni kücheytish teshebbüsi netijiside, xitay da'iriliri Uyghur müsteqilchilirige qaratqan zerbisini téximu séstimiliq halda kücheytmekte" dédi.

Dilshat rishitning tekitlishiche, yéqinda Uyghur aptonom rayon partkomi mexsus höjjet chüshürüp, 7 ‏- ayning 4 ‏- künidin bashlap, her qaysi jaylarning medenyet saheside yeni , axbarat , gézit , zhornal , neshriyatchiliq hetta her xil un - sin alghu buyumlirighiche tazilash herikiti élip bérip, chégra sirtidiki " sherqiy türkistan müsteqilchiliri" ning Uyghur aptonom rayonida bölgünchilik we singip kirish pa'aliyetliri élip bérishini qet'i chekleydighanliqini bildürgen.

Dilshat rishit söözide yene": xitay hökümitining, Uyghur teshkilatlirini izchil türde térrorluq teshkilati dep eyiblep kéliwatqanliqini, biraq xelq'araning undaq qarimaydighanliqini, Uyghurlarning démokratiye we kishilik hoquqini qolgha keltürüsh yolida pa'aliyet élip bériwatqan barliq teshkilatlar shuningdek dunya Uyghur qurultiyining amérika we yawrupa ellirining türlük yardimige érishiwatqanliqini alahide tekitlidi. (Eqide)