Д у қ уйғур тәшкилатлири террорчи тәшкилат әмәс дәп йәнә бир қетим тәкитлиди


2006.07.06
Share on WhatsApp
Share on WhatsApp

Дуня уйғур қурултийи пәйшәнбә күни, уйғур аптоном районлуқ парткомниң " шәрқий түркистан мүстәқилчилири" тәшкилатиниң бөлгүнчилик вә сиңип кириш паалийәтлиригә зәрбә бериш һәққидики һөҗҗити мунасивити билән баянат елан қилди.

Дуня уйғур қурултийиниң баянатчиси дилшат ришит, тәйвән мәркизи агентлиқиниң зияритини қобул қилип, хитай дөләт рәиси ху җинтавниң өткән ай " шаңхәй һәмкарлиқ тәшкилати рәһбәрлириниң йиғини"ға қатнишип қилған сөзи һәмдә һәр қайси тәрәп рәһбәрлириниң террорчилиққа қарши күрәшни күчәйтиш тәшәббүси нәтиҗисидә, хитай даирилири уйғур мүстәқилчилиригә қаратқан зәрбисини техиму сестимилиқ һалда күчәйтмәктә" деди.

Дилшат ришитниң тәкитлишичә, йеқинда уйғур аптоном район парткоми мәхсус һөҗҗәт чүшүрүп, 7 ‏- айниң 4 ‏- күнидин башлап, һәр қайси җайларниң мәдәнйәт саһәсидә йәни , ахбарат , гезит , жорнал , нәшриятчилиқ һәтта һәр хил ун - син алғу буюмлириғичә тазилаш һәрикити елип берип, чегра сиртидики " шәрқий түркистан мүстәқилчилири" ниң уйғур аптоном районида бөлгүнчилик вә сиңип кириш паалийәтлири елип беришини қәти чәкләйдиғанлиқини билдүргән.

Дилшат ришит сөөзидә йәнә": хитай һөкүмитиниң, уйғур тәшкилатлирини изчил түрдә террорлуқ тәшкилати дәп әйибләп келиватқанлиқини, бирақ хәлқараниң ундақ қаримайдиғанлиқини, уйғурларниң демократийә вә кишилик һоқуқини қолға кәлтүрүш йолида паалийәт елип бериватқан барлиқ тәшкилатлар шуниңдәк дуня уйғур қурултийиниң америка вә яврупа әллириниң түрлүк ярдимигә еришиватқанлиқини алаһидә тәкитлиди. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.