Dunya Uyghur qurultiyining 2 - nöwetlik qurultiyi myunxénda échildi


2006.11.24

Merkizi gérmaniyidiki dunya Uyghur qurultiyining 2 - nöwetlik qurultiyi jüme küni myunxénda 11 dölettin kelgen texminen 60 dek wekilning ishtirak qilishi we bir qisim xelq'ara teshkilatlarning küzetküchi süpitide qatnishishi bilen échildi.

Dunya Uyghur qurultiyi bash katipi dolqun eysa qurultay bashlinishtin burun bergen bir bayanatta, bu qétimqi qurultayning xelq'ara Uyghur herikiti tarixida "dewr bölgüch" yighin bolup qalidighanliqini bildürdi.

Weziyettin xewerdar kishilerning eskertishiche, bu qétimqi qurultayda xelq'ara Uyghur herikitining buningdin kéyinki yüzlinishi belgilinidighanliqini bildürmekte. Shuning bilen birge qurultay rehberlik qatlimida bezi özgürüshler yüz bérishi mumkin.

Küzetküchilerning perez qilishiche, kishilik hoquqi pa'aliyetchisi we Uyghur milliy herikitining rehbiri rabiye qadir dunya Uyghur qurultiyining re'islikige saylinish mumkinchiliki zor, dep qaralmaqta.

Xitay hökümitining qurultay toghrisida gérmaniye hökümitige inkas bildürgen yaki bildürmigenliki hazirche melum emes. Lékin xitay hökümiti2004 -yili dunya Uyghur qurultiyi 1 - nöwetlik qurultiyini we buningdin burun chaqirilghan yighinlar toghrisida gérmaniye hökümitige étiraz bildürgen. Shu qétimqi qurultayni "térrorchilar" ning yighilishi, dep eyibligen xitay hökümiti yighinni chekleshni telep qilghan bolsimu, lékin gérmaniye hökümiti xitay da'irilirining telipini ret qilip, yighilishni gérmaniye qanunlirigha uyghun, dep qoghdighan. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.