D u q xitayning az sanliq milletlerge bergen wedilirge emel qilmighanliqini eyiblidi

Merkizi agéntliqining 28 - iyun künidiki xewiride éytilishiche, 7 - ayning 1 - küni xitay kommunist partiyisi qurulghanliqining 78 yilliqi bolup, bu munasiwet bilen shinjang Uyghur aptonum rayonining musteqilliqi üchün pa'aliyet élip bériwatqan dunya Uyghur qurultiyi, xitay kommunist partiyisining eyni dewirde Uyghurlarning öz teqdirini özi belgilesh hoquqigha ige ikenliki heqqide bergen wediside turushini teshebbus qildi.

Dunya Uyghur qurultiyining bayanatchisi dilshat rishit merkizi agéntliqning muxbirigha mundaq dédi:

"Xitay kompartiyisi yéngi qurulghan chaghdiki 1 - qétimliq döletlik wekiller qurultiyida mundaq qarar maqullan'ghan: döletning asasiy qanunida, milletlerning öz teqdirini özi belgilesh siyasitini qet'iy étirap qilish hemde az sanliq milletlerning jongxu'a sowét hakimiyitidin ayrilip chish yaki qoshulup kirish erkinlikige ruxset qilish dégenler belgilen'gen".

U yene mundaq dédi: "xitay kompartiyisi qurulghandin buyanqi 78 yilliq tarixida, 1 - qétimliq qurultiyi maqullighan dölet asasiy qanunini, shinjangdiki Uyghurlarning öz teqdirini özi belgileshtek qanuniy hoquqini hemde puqralarning erkin tallash heqlirini ezeldin ijra qilip baqmidi". (Qanat)