D u q 11 ‏- séntebir weqesi munasiwiti bilen bayanat élan qildi


2007-09-11
Share

Amérikida yüz bergen térrorluq hujumining 6 yilliq munasiwiti bilen bügün dunya Uyghur qurultiyi bayanat élan qildi.

Bu munasiwet bilen ziyaritimizni qobul qilghan dunya Uyghur qurultéyining bayanatchisi dilshat réshit, aldi bilen dunya Uyghur qurultiyining herqaysi dölettiki ezalirining amérika xelqi bilen birlikte, térrorluq hujumida qurban bolghanlargha teziye bildüridighanliqini tekitlidi.

Dilshat réshit sözide, Uyghur xelqining démokratik dölet ellirining xelqi bilen birlikte, térrorchiliq herketlirige qarshi turidighanliqini bolupmu xitay kommunistlirining Uyghurlargha qarita yürgüziwatqan dölet térrorchiliqini qattiq eyibleydighanliqini bildürdi.

Xitay hökümitining amérika we gherb ellirining térrorchiliqqa qarshi kürishidin paydilinip, Uyghur medeniyiti, diniy we söz erkinlikini izchil basturup kéliwatqanliqini otturigha qoyghan dilshat réshit": bügün, Uyghurlar dunyada az uchraydighan dölet térrorchiliqining qurbanigha aylandi, xitay Uyghur millitini yoq qilish üchün, aldi bilen uning tilini yoq qilish istratégiyisini ishlitip, Uyghur ma'aripining ornigha xitay ma'aripini dessetti, Uyghurlarni xitaylardin perqlendürüp turidighan diniy ‏ örp adetliridin mehrum qaldurush üchün, diniy erkinliktin cheklidi, Uyghurlarni siyasiy hoquqqa ige bolalmaydighan esir millet qilish üchün, hökümetke naraziliq bildürgen öktichilerni basturdi, türmilerge tashlidi hetta dunyada az uchraydighan ölüm jazasi bilen jazalidi ," dédi.

Dilshat réshit , xitayning térrorchiliqqa zerbe bérish kürishidin paydilinip, Uyghurlarning démokratiye we kishilik hoquq üchün élip bériwatqan heqqaniy küreshlirini, dunya jama'etchilikige " térrorluq "heriket qilip körsitishtek rezil niyitining ishqa ashmaydighanliqini yene bir qétim tekitlidi. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet