Dunya Uyghur qurultéyining bayanatchisi dilshat rishit bügünki bayanatida üch nuqtini tekitlidi


2008-01-30
Share

Dunya Uyghur qurultéyining bayanatchisi dilshat rishit bügün élan qilghan bayanatida,xitay kommunist partiye merkizi komitétining siyasiy -qanun sékritari ju yungkangning 'xizmet tekshürüsh' dégen nam bilen Uyghur yurtlirigha kélip, Uyghurlarni basturushni orunlashturuwatqanliqini eyiblidi.

‏-‏ Ju yungkangning 'xizmet tekshürüsh' dégen nam bilen kélip élip bériwatqan pa'aliyetliridin qarighanda,‏-‏ deydu dilshat rishit bayanatida, ‏-‏ xitay hökümiti kündin-kün'ge keskinlishiwatqan Uyghur mesilisini basturush üchün, bahar pesillik qattiq zerbe bérish herikitini orunlashturmaqchi boluwatidu, Uyghurlarni basturush üchün bingtu'enni siyasiy -qanun jehettin arilishishqa righbetlendürüwatidu.

Dilshat rishit bayanatida, Uyghur xelqi tinchliqperwer millet, sirtning bésimi bolmighan halda özining en'enisi buyiche tinch turmush kechürüshni xalaydu. Kommunist xitay hökümiti Uyghurlargha qaratqan her qandaq shekildiki basturush herikitini toxtitishi kérek, siyasiy jinayetchilerni shertsiz qoyup bérishi kérek, kommunist xitay hökümiti bilen siyasiy köz qarishi oxshash bolmighan Uyghurlargha xelq'araliq qanun ölchemliri bilen mu'amile qilishi kérek,dep tekitlidi. (Weli)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet