Д у қ баянатчиси нур бәкриниң сөзлиригә рәддийә билдүрди

Хитай ахбарат вастилири пәйшәнбә күни, җ к п мәркизий комитет сиясий бюросиниң әзаси, аптоном районлуқ парткомниң секритари ваң лечүән, аптоном район рәиси нур бәкриләрниң бивастә йетәкчиликидә кадирлар йиғини ачқанлиқини елан қилди.
Мухбиримиз әқидә хәвири
2008.09.11

 Йиғинда, ваң лечүән "үч хил күчләргә қаттиқ зәрбә бериш" ни қайта - қайта тәкитлигән болса, нур бәкри " америка башчилиқидики дүшмән күчләрниң җуңгони парчилаш, ғәрбләштүрүш әпти - бәширисини ениқ тонуш керәк " ликини оттуриға қоюп, уйғурларниң кишилик һоқуқи үчүн паалийәт елип бериватқан дуня уйғур қурултийи тәшкилати шуниңдәк нобил тенчлиқ мукапатиниң намзати, уйғурларниң мәниви аниси рабийә қадир ханимға, террорчилиқ һәрикәтлириниң пәрдә арқисидики вәкили дәп бөһтан чаплиған.

Дуня уйғур қурултийиниң баянатчиси дилшат решит нур бәкри вә ваң лечүәнниң сөзлиригә қаттиқ наразилиқ билдүрүп: "нур бәкриниң рабийә қадир ханимниң шәхсийитигә һуҗум қилған сөз ибарилиридин, униң әқәлли бир әхлақ қаришиғиму игә әмәсликини көрүвалғили болиду, болупму униң уйғурларниң һөрийити вә әркинлики үчүн һаятини беғишлиған миллий қәһриманимиз рабийә қадир ханимға тәккүзгән һақаритидин " миллий хаин" дәп атисақ қилчиму ашурувәткән болмаймиз. Нур бәкригә охшаш милләт хаининиң вәтән ичидики уйғурларға вәкиллик қилидиған салаһийити йоқ " деди.
Мунасивәтлик хәвәрләр
Уйғур хәвәрлири
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.