D u q bayanatchisi nur bekrining sözlirige reddiye bildürdi

 Yighinda, wang léchüen "üch xil küchlerge qattiq zerbe bérish" ni qayta - qayta tekitligen bolsa, nur bekri " amérika bashchiliqidiki düshmen küchlerning junggoni parchilash, gherbleshtürüsh epti - beshirisini éniq tonush kérek " likini otturigha qoyup, Uyghurlarning kishilik hoquqi üchün pa'aliyet élip bériwatqan dunya Uyghur qurultiyi teshkilati shuningdek nobil ténchliq mukapatining namzati, Uyghurlarning meniwi anisi rabiye qadir xanimgha, térrorchiliq heriketlirining perde arqisidiki wekili dep böhtan chaplighan.

Dunya Uyghur qurultiyining bayanatchisi dilshat réshit nur bekri we wang léchüenning sözlirige qattiq naraziliq bildürüp: "nur bekrining rabiye qadir xanimning shexsiyitige hujum qilghan söz ibariliridin, uning eqelli bir exlaq qarishighimu ige emeslikini körüwalghili bolidu, bolupmu uning Uyghurlarning höriyiti we erkinliki üchün hayatini béghishlighan milliy qehrimanimiz rabiye qadir xanimgha tekküzgen haqaritidin " milliy xa'in" dep atisaq qilchimu ashuruwetken bolmaymiz. Nur bekrige oxshash millet xa'inining weten ichidiki Uyghurlargha wekillik qilidighan salahiyiti yoq " dédi.