D u q: qeshqer üsti ochuq türmige aylandi

 Dunya Uyghur qurultiyining bayanatchisi dilshat réshit teywen merkizi agéntliqi we istansimizgha bergen bayanatida, béyjing olimpik mesh'ilining 25 ‏ - maydin 27 ‏ - mayghiche sherqiy türkistan'gha yetküzülidighanliqini, qeshqer Uyghurlar eng köp olturaqlashqan rayon bolghanliqi üchün, Uyghurlarning xitaygha qarshi bash kötürüshining aldini élish üchün, kocha - kochilarda qoralliq eskerler charlash élip bérip, Uyghurlarni közitiwatqanliqini bildürdi.

Dilshat réshitning éytishiche, xitay qoralliq qisimliri gumanliq dep qarighan Uyghurlarni qeshqer sheherlik tutup turush orunlirigha solighandin sirt, nahiyilik türme soraqxanilirigha yötkigen.

Dilshat rishit yene, qeshqer shehirining halitini teswirlep, "üsti ochuq türme" dédi.

Béyjing olimpik murasimigha 100 kün qalghanda, sherqiy türkistanning merkizi ürümchidimu, Uyghurlargha siyasiy zerbe bérish herikiti qozghalghanliqini tekitligen dilshat réshit, ürümchi nopusigha ige bolmighan Uyghurlarning kelgen jaylirigha qoghlan'ghanliqini tekitlidi.

Dunya Uyghur qurultiyi, olimpik insanlarning ghururini depsende qilish bedilige ötküzülse, bu olimpik rohigha éghir derijide xilapliq qilghanliq hésablinidighanliqini ipadilep, xelq'ara olimpik komitétidin, sherqiy türkistan'gha olimpik mesh'ilini yetküzüsh pa'aliyitini emeldin qaldurushni teshebbüs qildi.