Д у қ хитайниң икки қурултийини милләтләрниң "өз тәқдирини өзи бәлгиләш һоқуқи" мәсилисини музакирә қилишқа чақирди


2008-03-03
Share

3- Март дүшәнбә күни, дуня уйғур қурултийи баянат елан қилип хитай мәмликәтлик сиясий кеңиши вә мәмликәтлик хәлқ қурултийини милләтләрниң "өз тәқдирини өзи бәлгиләш һоқуқи" мәсилиси тоғрисида мәхсус музакирә лайиһиси түзүп, қарап чиқип, мунасивәтлик қарарларни бәлгиләшкә чақирди.

Дуня уйғур қурултийи йәнә, мәзкур икки қурултайни, уйғур елиниң аталмиш "шинҗаң" дегән намни "шәрқи түркистан" дәп өзгәртип бекитип беришкә чақирди.

Дуня уйғур қурултийи баянатчиси дилшат ришит радиомизға бәргән зияритидә, бирләшкән дөләтләр тәшкилатиниң низамнамисидә "барчә милләтләрниң өз тәқдирини өзи бәлгиләш һоқуқи бар" дәп бәлгиләнгәнликини билдүрди вә: " милләтләрниң өз тәқдирини өзи бәлгиләш һоқуқи, кишилик һоқуқниң айрилмас бир тәркиби қисми һәмдә миллий мәсилиләрни һәл қилишниң әң демократик усули" деди

У йәнә, хитайниң бирләшкән дөләтләр тәшкилатиға даимий әза дөләт болуш сүпити билән, б д т ниң низамнамилириға әмәл қилип, уйғур хәлқигә өз тәқдирини өзи бәлгиләш һоқуқи бериши керәк икәнликини һәмдә олимпик саһибханлиқини елиш алдида "кишилик һоқуқни яхшилаймиз" дәп бәргән вәдисини ақлиши керәкликини көрсәтти.

Дуня уйғур қурултийиниң бу баянати тәйвән мәркизий ахбарат агентлиқи, вә америкидики бир қисим хитай тилидики гезитләрдә орун алди. (Җүмә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт