Д у қ хитайниң учур вастилириға қаратқан контроллуқини әйиблиди

Дуня уйғур қурултийи, бейҗиң олимпик мурасими өткүзүлүш һарписида хитайниң уйғурларға қарита сөз қилиш вә мәтбуат әркинликини боғуш һәрикитини алаһидә күчәйтиватқанлиқини билдүрди.
Мухбиримиз әқидә хәвири
2008.06.19

 Д у қ ниң баянатчиси дилшат решит пәйшәнбә күни америка бирләшмә агентлиқи вә истансимизниң бу һәқтики зияритини қобул қилип, уйғурларниң интернет тор бәтлиригә охшаш учур вастилиридин пайдилинип, һөкүмәтниң олимпик җәрянида уйғурларға қаратқан қаттиқ қол сияситини дуняға ашкарилишидин әндишә қилған хитай һөкүмитиниң, һәр хил учур вастилирини қаттиқ контрол қиливатқанлиқини, һәтта бир қисим тор бәтләрни етивәткәнликини билдүрди.

Дилшат ришитниң тәкитлишичә, учур вастилиридин әркин пайдилиниш һоқуқиға игә қилинмайватқан уйғурларниң нөвәттә, кочиларда топлишип параң селишиму қанунға хилап һәрикәт һесаблинидиған болуп, уйғурларниң тор бәт вә чәтәл ахбарат вастилирини әркин көрүшидин сөз ечиш әсла мумкин әмәс икән.

Хитай һөкүмити йеқинда, енгилизчә " уйғур тор бети" ни тақап, уйғурларниң қаттиқ наразилиқини қозғиған иди.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.