D u q xitayning Uyghurlargha qaratqan mejburlash terbiyilirini toxtitishini telep qildi

 Xitayning olimpik mesh'ili 6 ‏ - ayning 25 ‏ - küni Uyghur élige yetküzülmekchi bolup, mesh'el 26 ‏ - iyun küni qeshqerge yetküzülgende rayonda naraziliq heriketlirining chiqip qélishidin endishe qilghan xitay da'iriliri Uyghurlarni " weten söyüsh terbiyisi "ge mejburlimaqta.

Mezkür terbiye, barliq oqutquchi ‏ - oqughuchi, ishchi ‏ - xizmetchi, diniy zatlar we tijaretchilerni öz ichige alghan her sahe xadimliridin bolup, 260 mingdin artuq ademning mejburiy öginishi shert qilin'ghan. Nöwette bu heriket téximu chongqurlap élip bérilip, hetta her xil lozunkilar ésilghan teshwiqat aptomobilliri hemde qoralliq saqchi ‏ - eskerliri kochimu - kocha we mehelle arilap nazaretni kücheytmekte we öz teshwiqatlirini tarqatmaqta.

Dunya Uyghur qurultiyi, xitay hökümitidin Uyghurlargha qaratqan bu xil mejburlash yosundiki" weten söyüsh terbiyisi " ni derhal toxtitishini we Uyghurlarning öz teqdirini özi belgilesh hoquqigha hörmet qilishini telep qildi. Dilshat rishit ependi yene, Uyghurlar her qandaq bésim bolushidin qet'iynezer, öz wetinige bolghan söygüsidin waz kechmeydighanliqini tekitlidi.