Xitay shirketliri hazir Uyghur aptonom rayunining yer qatlamliridiki issiqliq énérgiye zapisinimu échishni pilanlimaqta


2007-02-21
Share

"Shinjang iqtisadiy xewerliri" gézitide bayan qilinishiche, aptonom rayunluq siyasiy kéngeshning beshinchi qétimliq yighinida "shinjangning yer astidiki issiqliq énérgiye bayliqlirini échish" dégen birxil pilan testiqlan'ghan.

Xewerde bayan qilinishiche, buningdin burun Uyghur aptonom rayonining yer qatlamliridiki issiqliq énérgiyisini échishqa ehmiyet bérilmigen. Bayqilishiche, yarish, tarim, turpan oymanliqlirida we ili, qumul wadilirida nahayiti mol issiqliq énérgiyisi saqlinip yatidu. Emma buni échish nahayiti qéyin.

Xitay da'irilirining éytishiche, éléktir quwiti hasil qilish, issinish, koktat térish qatarliq köp ishlar üchün qollan'ghili bolidighan bundaq chungqur yer qatlamliridiki issiqliq zapisi ichide, xitay shirketliri üchün hazirche échish eng asan bolghini ‏-‏ her qaysi jaylardiki arshanglar iken. Shunglashqa hazir xitay shirketliri yerning téyiz qatlimidiki issiqliqtin hasil bolghan bundaq issiq su menbelirini )arshanglarni( keng kölemde échish arqiliq, uni herxil késelliklerni dawalash üchün qollan'ghili bolghanliqi üchün, téximu köplep sayahetchi yaki köchmen jelib qilishni pilanlashqa bashlighan. (Weli)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet