Хитай идиқут шәһири харабисини ремонт қилишқа 100 милйон йүән аҗритиду


2008-02-10
Share

Хитайниң шинхуа агентлиқи турпандики қәдимки уйғур идиқут дөлитиниң пайтәхти идиқут шәһириниң харабисини ясашқа 100 милйон йүән мәбләғ аҗритип, йеқинда иш башлашни қарар қилғанлиқини хәвәр қилди.

Хәвәрдә көрситилишичә, шәһәр харабисини йәрлик деһқанлар бузғунчилиққа учратқан болуп, йәрлик аһалилар халиғанчә шәһәр харабисиға кирип, тупрақ вә мунарларни колаш арқилиқ шәһәрниң әсли қияпитини бузувәткән. Бирақ, йәрлик кишиләрниң инкас қилишичә, гәрчә идиқут шәһири 1961-йилидин етибарән мәмликәтлик қоғдилидиған асарә-әтиқиләр нуқтиси қилип бекитилгән болсиму, лекин узун йилларғичә һөкүмәт тәрипидин әмәлий қоғдилиш елип берилмай, пәқәт вивиска есип қоюш биләнла чәкләнгән. Униң үстигә йәнә қалаймиқан саяһәтчиликму харабиниң бузулушни илгири сүргән.

Турпан мәдәний ядикарлиқлар идарисиниң башлиқи ясилиш арқилиқ гавачаң қәдимий шәһири пат йеқинда йеңи қияпәт билән қәд көтүриду дәп көрсәткән болуп, чәтәлләрдики уйғур тарихчилири хитай даирилириниң идиқут шәһирини қандақ шәкилдә ремонт қилидиғанлиқиға диққәт қилмақта. Мәлумки, уйғурлар идиқут шәһирини уйғур мәдәнийәт тарихи җүмлидин йипәк йолидики мәшһур намайәндә һәмдә өзлириниң оттура әсирдә қурған мустәқил идиқут дөлитиниң пайтәхти дәп чүшиниду.

Бирақ, уйғур тарихчилириниң оттуриға қоюшичә, хитай тарихчилири болса, идиқут шәһирини дәсләптә хәнзулар қурғанлиқини, уйғурларниң бу йәргә кейин кәлгәнликини испатлашқа тиришипла қалмастин бәлки йәнә уйғурларниң тарихта қурған турпан идиқут дөлити, қараханилар сулалиси, вә униңдин илгирики орхун уйғур империйисини җуңго мәркизи һөкүмитигә тәвә йәрлик һакимийәт дәп тарихни бурмилайдикән. (Үмидвар)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт