Xitay idiqut shehiri xarabisini rémont qilishqa 100 milyon yüen ajritidu


2008-02-10
Share

Xitayning shinxu'a agéntliqi turpandiki qedimki Uyghur idiqut dölitining paytexti idiqut shehirining xarabisini yasashqa 100 milyon yüen meblegh ajritip, yéqinda ish bashlashni qarar qilghanliqini xewer qildi.

Xewerde körsitilishiche, sheher xarabisini yerlik déhqanlar buzghunchiliqqa uchratqan bolup, yerlik ahalilar xalighanche sheher xarabisigha kirip, tupraq we munarlarni kolash arqiliq sheherning esli qiyapitini buzuwetken. Biraq, yerlik kishilerning inkas qilishiche, gerche idiqut shehiri 1961-yilidin étibaren memliketlik qoghdilidighan asare-etiqiler nuqtisi qilip békitilgen bolsimu, lékin uzun yillarghiche hökümet teripidin emeliy qoghdilish élip bérilmay, peqet wiwiska ésip qoyush bilenla cheklen'gen. Uning üstige yene qalaymiqan sayahetchilikmu xarabining buzulushni ilgiri sürgen.

Turpan medeniy yadikarliqlar idarisining bashliqi yasilish arqiliq gawachang qedimiy shehiri pat yéqinda yéngi qiyapet bilen qed kötüridu dep körsetken bolup, chet'ellerdiki Uyghur tarixchiliri xitay da'irilirining idiqut shehirini qandaq shekilde rémont qilidighanliqigha diqqet qilmaqta. Melumki, Uyghurlar idiqut shehirini Uyghur medeniyet tarixi jümlidin yipek yolidiki meshhur namayende hemde özlirining ottura esirde qurghan musteqil idiqut dölitining paytexti dep chüshinidu.

Biraq, Uyghur tarixchilirining otturigha qoyushiche, xitay tarixchiliri bolsa, idiqut shehirini deslepte xenzular qurghanliqini, Uyghurlarning bu yerge kéyin kelgenlikini ispatlashqa tirishipla qalmastin belki yene Uyghurlarning tarixta qurghan turpan idiqut döliti, qaraxanilar sulalisi, we uningdin ilgiriki orxun Uyghur impériyisini junggo merkizi hökümitige tewe yerlik hakimiyet dep tarixni burmilaydiken. (Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet