Қумул вилайити хитайниң әң чоң електир базиси қилип бекитилгән


2006.07.13
Share on WhatsApp
Share on WhatsApp

Аптоном районлуқ електир - енергийә ширкити 2 милярд 579 милйон йүән мәбләғ селип, қумул вилайитини хитайниң " ғәрбниң токини шәрққә йәткүзүш" қурулушидики електир мәнбии базиси қилип бекиткән.

Хитай хәвәр агентлиқиниң13 ‏- июл күни бәргән хәвиригә асасланғанда, аптоном районлуқ електир енергийә ширкити билән қумул вилайити һәмкарлиқ келишими һазирлап, мәзкүр келишимни 12 ‏- июл күнидин етибарән рәсмий йолға қоюшқа башлайдиғанлиқини бекиткән.

Хитайниң 11 ‏-бәш йиллиқ пиланниң ичигә киргүзүлгән бу қурулуш, ғәрбниң токини шәриққә йөткәш йәни 750 киловолтлуқ електир тор қурулушини ишқа ашурушни мәқсәт қилидикән.

Бу арида дуня уйғур қурултийи мәзкүр қурулуш пиланиға дәрһал наразилиқ инкаси билдүрүп, шәрқий түркистанниң намрат районлирида яшаватқан уйғурларниң електир мәсилиси һәл қилинмай туруп, бу земинниң токини хитай өлкилиригә йәткүзүш, уйғурларни експилататсийә қилишниң йәнә бир ипадиси икәнликини билдүрди.

Дуня уйғур қурултийиниң баянатчиси дилшат решит, һазир уйғур аптоном райониниң мәркизи хитай һөкүмити билән бирлишип , қилчә тәп - тартмастин уйғур дияриниң тәбии байлиқ мәнбәлирини ишлитиш җәһәттә , йәрлик уйғур хәлқиниң еһтияҗини қандурмай туруп, бу земинниң байлиқлирини хитай өлкилиригә тошуп, бир тәрәптин сиясий бесим , йәнә бир тәрәптин иқтисадий бесимни изчил күчәйтиватқанлиқини тәкитлиди. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт