Qumul wilayiti xitayning eng chong éléktir bazisi qilip békitilgen


2006.07.13
Share on WhatsApp
Share on WhatsApp

Aptonom rayonluq éléktir - énérgiye shirkiti 2 milyard 579 milyon yüen meblegh sélip, qumul wilayitini xitayning " gherbning tokini sherqqe yetküzüsh" qurulushidiki éléktir menbi'i bazisi qilip békitken.

Xitay xewer agéntliqining13 ‏- iyul küni bergen xewirige asaslan'ghanda, aptonom rayonluq éléktir énérgiye shirkiti bilen qumul wilayiti hemkarliq kélishimi hazirlap, mezkür kélishimni 12 ‏- iyul künidin étibaren resmiy yolgha qoyushqa bashlaydighanliqini békitken.

Xitayning 11 ‏-besh yilliq pilanning ichige kirgüzülgen bu qurulush, gherbning tokini sheriqqe yötkesh yeni 750 kilowoltluq éléktir tor qurulushini ishqa ashurushni meqset qilidiken.

Bu arida dunya Uyghur qurultiyi mezkür qurulush pilanigha derhal naraziliq inkasi bildürüp, sherqiy türkistanning namrat rayonlirida yashawatqan Uyghurlarning éléktir mesilisi hel qilinmay turup, bu zéminning tokini xitay ölkilirige yetküzüsh, Uyghurlarni ékspilatatsiye qilishning yene bir ipadisi ikenlikini bildürdi.

Dunya Uyghur qurultiyining bayanatchisi dilshat réshit, hazir Uyghur aptonom rayonining merkizi xitay hökümiti bilen birliship , qilche tep - tartmastin Uyghur diyarining tebi'i bayliq menbelirini ishlitish jehette , yerlik Uyghur xelqining éhtiyajini qandurmay turup, bu zéminning bayliqlirini xitay ölkilirige toshup, bir tereptin siyasiy bésim , yene bir tereptin iqtisadiy bésimni izchil kücheytiwatqanliqini tekitlidi. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet