Хитай һөкүмити хуа нең ширкитиниң шинҗаң шөбисини қурди

Йеқинда уйғур аптоном районида хитайдики әң чоң енергийә гуруһиниң шинҗаң шөбиси қурулған. Хитайниң 'шинҗаң хәвәр тори' бүгүн елан қилған хәвәрдин мәлум болушичә, хитай коммунист партийә мәркизи комитети сиясий бюросиниң әзаси ваң лечуән 9 ‏- айниң 18 ‏- күни, хитайдики әң чоң енергийә гуруһи болған 'хуанең' ширкитиниң партийә гуруппа башлиқи вә ширкәт башлиқи ли шавпең билән биллә, мәзкур ширкәтниң уйғур аптоном районида қурулған 'шинҗаңда енергийә ечиш шөбиси' үчүн юпуқ ачқан.

Исмаил тиливалди 'бу ‏-‏- дөлитимизниң ғәрбни кәң көләмдә ечиш, ғәрбниң електир қуввитини шәрққә йөткәш, дегән истиратегийиси буйичә елип берилған йәнә бир һәрикәт' дәп чүшәндүргән.

Хәвәрдә баян қилинишичә, 'хуанең' ширкитиниң хитайдики 23 өлкидә 87 електир истансиси бар. Бу ширкәт һазир йәнә уйғур аптоном райони билән 'истратегийилик енергийә һәмкарлиқ келишими' имзалиған. Хуанең ширкитиниң партийә гуруппа башлиқи ли шавпең болса 'хуанең ширкитиниң шинҗаң шөбиси қурулғанлиқи ‏-‏- бу чоң ширкәтниң 'шинҗаңға кириш, шинҗаңда йилтиз тартиш вә шинҗаңни қуруш' қа қәтий бәл бағлиғанлиқиниң ипадсии' дегән. (Вәли)