Xitay rabiye qadirning "eqide shirkiti" diki ikki xadimni qoyup berdi

Xitay hökümiti 14 ‏-dékabir küni ataqliq kishilik hoquq pa'aliyetchisi rabiye qadirning "eqide shirkiti" diki ikki neper xadimni qoyup berdi.

Rabiye xanimning radi'omizgha bildürishiche, "eqide shirkiti" ning katipi rozi memet we yardemchisi ayshemgül kérim türmidin qoyup bérilgende ularda chong jismaniy özgirish bolghan. Rabiye xanim sözide "her ikkilisi iskilittek oruqlap kétiptu. Hemde chéchi téqimigha yétidighan ayshemgülning chachlirini xuddi qoyning dümbisini qirqighandek qirqip, xuddi erwahlarghila oxshitip qoyuptu" dédi.

Xitay hökümiti ularning qoyup bérilishi heqqide héchqandaq ipade bildürmidi. Xitay da'iriliri 11‏- may küni yeni, rabiye xanim qoyup bérilip uzun ötmey, uning ürümchidiki "eqide shirkiti"ge bösüp kirip, rozi memet bilen ayshemgülni sewebsizla tutup ketken hemde shirketning bir qisim höjjetlirinimu qoshup élip ketken idi.

Rabiye xanim, bu ikkisining tutqun qilinish weqesini ilgiri amérika hökümiti, yawropa parlaménti we xelq'ara kechürüm teshkilati qatarliq orunlargha yetküzgen hemde ulardin bu heqte xitaygha bésim ishlitishni telep qilghan. Ularning qoyup bérilishi munasiwet bilen rabiye xanim bu orunlargha we prézidént bushqa alahide rehmet éytidighanliqini bildürdi. (Peride)