Хитай сәуди әрәбистандин пакистандики уйғурларға виза бәрмәсликни тәләп қилған


2006-08-29
Share

Пакистандики сәуди әрәбистан әлчиханисиниң ашкарилишичә, хитайниң пакистандики әлчиханиси сәуди әрәбистан даирилиридин пакистанда өмүр һәҗгә беришни күтүп ятқан 2 миңдәк уйғурға виза бәрмәсликни тәләп қилған.

Пакистан арқилиқ һәҗгә маңған бирәр миңдәк уйғур сәйшәнбә күни пакистандики сәуди әрәбистан әлчиханисиниң алдида җим олтурувалғандин кейин, сәуди әлчиханисиниң бир әмәлдари уйғур намайишчиларға "әгәр җоңго әлчиханиси бу кишиләргә виза бериңлар десә, биз виза беришкә тәйяр," дәп тәкитлигән. Лекин у, хитай даирилириниң сәуди һөкүмитидин нимә үчүн бу уйғурларға виза бәрмәсликни тәләп қилғанлиқини чүшәндүрмигән.

Сәуди әрәбистан даирилириниң әскәртишичә, пакистандики бу уйғурларниң бейҗиңға берип виза елишиға тоғра келидикән. Лекин уйғурлар әрәбистан визисини хитайдин елип маңса, сақчиларниң уйғурларни чегридин чиқармайдиғанлиқини билдүрмәктә.

Пакистандики сәуди әрәбистан әлчиханисиниң исмини ашкарилашни халимайдиған бир хадими, пакистан арқилиқ һәҗгә бармақчи болған уйғурларға виза беришни рәт қилиш, падишаһ абдулла хитайни зиярәт қилғанда сәуди һөкүмити билән бейҗиң оттурисида имзаланған келишимләр билән мунасивәтлик, дәп тәкитлигән. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт