Xitay se'udi erebistandin pakistandiki Uyghurlargha wiza bermeslikni telep qilghan


2006.08.29
Share on WhatsApp
Share on WhatsApp

Pakistandiki se'udi erebistan elchixanisining ashkarilishiche, xitayning pakistandiki elchixanisi se'udi erebistan da'iriliridin pakistanda ömür hejge bérishni kütüp yatqan 2 mingdek Uyghurgha wiza bermeslikni telep qilghan.

Pakistan arqiliq hejge mangghan birer mingdek Uyghur seyshenbe küni pakistandiki se'udi erebistan elchixanisining aldida jim olturuwalghandin kéyin, se'udi elchixanisining bir emeldari Uyghur namayishchilargha "eger jonggo elchixanisi bu kishilerge wiza béringlar dése, biz wiza bérishke teyyar," dep tekitligen. Lékin u, xitay da'irilirining se'udi hökümitidin nime üchün bu Uyghurlargha wiza bermeslikni telep qilghanliqini chüshendürmigen.

Se'udi erebistan da'irilirining eskertishiche, pakistandiki bu Uyghurlarning béyjinggha bérip wiza élishigha toghra kélidiken. Lékin Uyghurlar erebistan wizisini xitaydin élip mangsa, saqchilarning Uyghurlarni chégridin chiqarmaydighanliqini bildürmekte.

Pakistandiki se'udi erebistan elchixanisining ismini ashkarilashni xalimaydighan bir xadimi, pakistan arqiliq hejge barmaqchi bolghan Uyghurlargha wiza bérishni ret qilish, padishah abdulla xitayni ziyaret qilghanda se'udi hökümiti bilen béyjing otturisida imzalan'ghan kélishimler bilen munasiwetlik, dep tekitligen. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet