Béyjingda basturulghan erziyetchi Uyghurlarning 60 milyon yüen puli tonglutulghan


2007.06.01

Béyjinggha dawa qilip barghanda xitay da'iriliri teripidin basturulghan 100 din artuq erziyetchi Uyghurning 60 milyon yüen puli yerlik da'iriler teripidin tonglutulghandin kéyin, béyjinggha erz qilip barghanliqi melum boldi. Weqedin xewerdar kishilerning ashkarilishiche, bu Uyghurlar jyangshining guygang shehiridiki bir shirket namidin shaxlitip sétishqa adem chaqirip, meblegh salghuchilardin 60 milyon yüen toplighanda, bu soda yerlik da'iriler teripidin qanunsiz, dep élan qilin'ghan we pütün iqtisadi tonglitilghan.

Bu ehwalda erziyetchi Uyghurlar béyjinggha dawa qilip barghan we xitay rehberlirining bu ishqa arlishishini telep qilip ching turuwalghanda basturuldi. Weqeni öz közi bilen körgüchi guwahchilarning radi'omizgha ashkarilishiche, saqchilar bilen Uyghur erziyetchiler arisida chiqqan toqunushta ölüm - yétim weqesi yüz bergen bolushi mümkin.

Bezi guwahchilar saqchilarning miltiq neyzisini Uyghur erziyetchilerge sanjighanliqini bildürdi. Lékin da'iriler erziyetchi Uyghurlarning basturulghanliqi heqqidiki xewerlerni qet'i kontrol qiliwatidu. Weqeni öz közi bilen körgüchiler, da'irilerning toqunushtin qéchip chiqqan az sandiki bezi Uyghurlarni izdewatqanliqini, qéchip chiqalmighan köpchilik Uyghurlarni bolsa majyaludiki tutup turush ornigha soluwalghanliqini bildürmekte.

Bu weqe xitay hökümiti her yili béyjingda tyen'enmén weqesining 4 - iyun xatire küni yétip kélishtin burun sezgürlikini ashuridighan nazuk bir mezgilge toghra keldi.(Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.