Dunya Uyghur qurultiyi re'isi erkin aliptékin dalay lama bilen uchrashti

Dunya Uyghur qurultiyining re isi erkin aliptékin, tibetliklerning diniy we siyasiy dahisi dalay lama bilen uchrashti.

6 - Ayning -16 küni qisqiche dep atalghan xelq'ara tibet herikitining gérmaniyining paytexti bérlinde uyushturghan " heqiqiy yoruqluq " namliq mukapat tarqitish yighinigha qatnashqan dunya Uyghur qurultiyining re isi erkin aliptékin, tibetlerning diniy we siyasiy dahiysi dalay lama bilen körüshüp, uning bilen alaqidar mesililerde pikir almashturghan.

Bérlindiki shiller tyatirxanisida ötküzülgen yighin'gha, dalay lama, gérmaniye parlamént ezaliri we kishilik hoquq pa'aliyetchiliri bolup 500 ge yéqin kishi qatnashqan.

Bu yilqi "heqiqiy yoruqluq" mukapati chéx jumhuriytining sabiq prézidénti waslaw hawel, sabiq gérmaniye soda ministiri graf lamsdorf we kéyinki 30 yildin béri tibetlik tul- yétim we yashan'ghan kishlerge yardem qilip kéliwatqan gérman wagnerlerge bérildi.

"Heqiqi yoruqluq" mukapati, tibet dawasigha xizmet qilghan kishilerge bérilmekte. Hazirghiche, amérikiliq kino artisti richard gér, sabiq franisye przédéntining ayali daniyal miterand we amérika sanatori kiliborn pel bu mukapatni ilishqa muyesser bolghan. (Qanat)