Xitay ziyaliyliri hökümetke xet yézip xu jyani qoyuwétishni telep qildi

2008-01-07
Élxet
Pikir
Share
Print

Bir bölek xitay ziyaliyliri xitaydiki eydiz pa'aliyetchisining qolgha élinishi we uning aghdurmichiliq jinayiti bilen eyiblen'genlikige naraziliq bildürüp xitay hökümitige ochuq xet yazdi we xitay hökümitidin olimpiktin burun kishilik hoquqni yaxshilashni telep qildi.

Roytérs agéntliqining körsitishiche, ochuq xetke adwokat, akadémik alimlar, muherrirler, yazghuchilar we kishilik hoquq pa'aliyetchiliri bolup 57 adem imza qoyghan bolup, xette eydiz pa'aliyetchisi xu jiyaning qolgha élinishi we aghdurmichiliq jinayiti bilen eyiblinishini " qobul qilghili bolmaydu" dep körsitip, uning ish pa'aliyitining, eksiche xitay asasiy qanunida qoghdilishi kérekliki eskertilgen.

Xetke imza qoyghuchilar hökümetning pursetni ching tutup, inaq jem'iyetke yol ichip olimpikning xitaygha heqiqiy bérilgenlikini ispatlishi kéreklikini otturigha qoyghan.

Xette yene, hazir türmide jiger késilining derdini tartiwatqan xitay eydiz pa'aliyetchisi xu jyaning derhal qoyup bérilishi telep qilin'ghan bolup, mezkur xet xitay kishilik hoqoq himayichisi teshkilati teripidin muxbirlargha ewetip bérilgen.

Aldinqi hepte yawropa parlaménti prézidénti xans gért pottéring béyjing da'irilirini xu jyani qoyup bérishke chaqirip, olimpikning xitay üchün, dunya jama'etchiliki aldida kishilik hoquqni hörmetleydighan bir dölet ikenlikini ispatlaydighan bir purset ikenliki otturigha qoyghan.

Ötken yili xu jya we uning ayali zén jinyen chet'elde échilidighan bir yighin'gha qatnishish üchün yolgha chiqqanda, dölet mexpiyetlikige tehdit sélish jinayiti bilen eyiblinip chégrida tosuwélin'ghan bolup, shundin étibaren türmide yatmaqta. (Jüme‏)

Pikirler (0)
Share
Toluq bet