Xata di'agnoz bir Uyghur bowaqqa qatil boldi


2007-10-25
Share

Shinxu'a torining 24- öktebir xewiridin ashkarilinishiche, ürümchi lyudawan doxturxanisi 33 yashliq ismi a bilen bashlinidighan bir hamildar ayalgha eydiz wirusi bilen yuqumlan'ghanliqi heqqide xata di'agnoz qoyup, uning qorsiqidiki besh ayliq törelmisini mejburiy chüshürüsh opératsiyisi qilghan. Bu ayal kéyin bashqa doxturxanida qayta tekshürüsh arqiliq özining H I V bilen yuqumlanmighanliqini ispatlighandin kéyin, mezkur doxturxana üstidin sotqa erz qilip, xata di'agnozning balisigha qatilliq qilghanliqi hem bu jeryanda éghir jismaniy hem rohiy azab tartqanliqining bedilini töleshni telep qilghan. Yérim yilche dawamlashqan erzning netijiside, sotning hökümi bilen bu doxturxana ziyankeshlikke uchrighuchigha 74 ming 880 yüen tölem töligen.

Gerche xewerde bu xata di'agnoz tüpeyli éghir bedel töligen bu ayalning toluq ismi bérilmigen bolsimu, emma lyudawan doxturxanisidin igilishimizche,bu ayal 33 yash etrapidiki Uyghur ayal iken.

Xewerde déyilishiche, ziyan'gha uchrighuchi ayal2006 - yili 10- ayda hamildar bolup a'ilisi zor xoshalliqqa chömgen. Kütülmigen yerdin u bala besh ayliq bolghanda, yeni bu yil 3- ayda lyu dawan doxturxanisida élip bérilghan qan tekshürüshte uning H I V wirusi bilen yuqumlan'ghanliqi heqqide di'agnoz qoyulghan. Hemde doxturxana uning balisining binormal tughulidighanliqini bildürüp derhal balini chüshürüsh opératsiyisi qilghan.

Shuningdin kéyin éghir jismaniy hem rohiy azabqa duchar bolghan bu bextsiz ayal, özining eydiz wirusidin yuqumlinip qélishigha qayil bolmay, axiri shinjang méditsina uniwérsitéti birinchi doxturxanisi hemde Uyghur aptonom rayonluq xelq doxturxanisi qatarliq bir qanche chong doxturxanilarda qayta tekshürtkende,özining eydiz bilen yuqumlanmighanliqi éniqlan'ghan. Qaytidin gheyretke kelgen bu Uyghur ayal axiri xata di'agnoz arqiliq tartqan azablirining tölimini tölitishni telep qilghan. Esli u bu doxturxanidin ikki yüz ming yu'en tölem telep qilghan iken.

Eydiz mutexessisliri mushuninggha oxshash xata di'agnozlarning élip kélidighan bihude azabliridin saqlinish üchün özidin gumanlan'ghan eydiz yuqumdarlirining, birer kichik ambulatoriye we yaki doxturxanining özi üstidin chiqarghan birdin ‏-bir di'agnozi arqiliqla dawalinish yaki bashqa tedbir qollinishtin burun yene, bashqa chong doxturxana yaki di'agnoz qoyush sewiyisi bir qeder yuqiri orunlarda qayta tekshürtüsh arqiliq toghra di'agnozgha érishishini tewsiye qilidu. (Gülchéhre)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet