Kéler yili Uyghur élide ikki yüz ming déhqan eydizdin saqlinish sawati almaqchi


2007-11-27
Share

Uyghur éli yerlik xewer torlirining uchurliridin melum bolushiche, Uyghur aptonom rayoni tunji qétim déhqanlarnimu eydizdin mudapi'elinish kursigha orunlashturushni pilanlighan bolup, bu pilan buyiche kéler yili Uyghur élide mexsus déhqanlar mektepliri tesis qilinip,deslepki qedemde jem'iy ikki yüz ming déhqan'gha mexsus eydiz késili wirusi bilen yuqumlinishtin saqlinish toghrisida sawat bérilidiken.

Uyghur aptonom rayoni sehiye nazariti mu'awin naziri jang yungning shinxu'a agéntliqi muxbirigha bildürüshiche, bu yil 9 - ayghiche Uyghur élide melum bolghan eydiz yuqumdarliri 20 mingdin ashqan. Mölcherlinishiche emeliy yuqum ehwali 60 mingdin ashidiken. Shundaqla Uyghur élining eydiz yuqum ehwali xitay buyiche tötinchi orunda turidiken.

Uning bildürüshiche, nöwette Uyghur éli eydiz weziyitidin qarighanda, déhqanlar arisida eydiz késili wirusining tarqilishi intayin téz hem jiddiy boluwatqan bolup, déhqanlarning turmush hemde taziliq shara'itining nachar bolushidin bashqa eydiz wirusi bilen yuqumlinishtin saqlinish jehette héchqandaq bilimge ige bolmasliqi Uyghur élide eydizning yézilardimu shiddet bilen yamrishidiki eng asasliq seweb bolmaqta.

Uyghur élining eydiz yuqum ehwalidin melum bolushiche, 1995 - yili Uyghur élide tunji eydiz késili wirusi yuqumdari bayqilip 12 yil jeryanida, eydiz Uyghur diyaridiki 15 oblast we wilayet hemde 90 din artuq nahiye ‏- yézilarghiche taralghan.

Nöwette Uyghur élidiki déhqan ammisigha eydizdin mudapi'elinish teshwiqati élip bérish, eng teqezzaliq mesile bolmaqta. (Gülchéhre)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet