Ürümchi eydiz késilining tarqilishi jehette Uyghur ili boyiche aldinqi sheher bolup qaldi


2007-08-24
Share

Xitay da'irilirining aldinqi küni ashkarilishiche, Uyghur aptonom rayonining merkizi ürümchi, eydiz wirusining tarqilish nisbiti jehette ili wilayitidin ötüp Uyghur aptonom rayoni boyiche 1- orun'gha chiqqan. Da'iriler yene, zeherlik chékimlik chékish sewebidin eydiz wirusi yuqturuwalghuchilarning %70 ürümchige merkezleshkenlikini bildürmekte.

Lékin da'iriler ürümchide zadi qanchilik kishining eydiz wirusida yuqumlan'ghanliqini élan qilmidi. Ürümchi sheherlik j x idarisi aldinqi küni axbarat élan qilish yighini chaqirip, zeherlik chékimlik ehwalining ürümchide barghansiri éghirlishiwatqanliqini agahlandurdi. Munasiwetlik da'iriler, Uyghur aptonom rayonida zeherlik chékimlikni okul qilip sélish usuli eydiz wirusining tarqilishidiki eng muhim qanallarning biri, dep körsetmekte.

Ürümchi sheherlik j x idarisi zeherlik chékimlikke qarshi turush etritining siyasi komissari jén jingning, ürümchide zeherlik chékimlikke munasiwetlik jinayi heriketlerning nahayiti éghir ehwalda ikenlikini bildürgen. Amérikidiki meshhur tetqiqat organlirining biri bolghan istiratégiye we xelq'ara tetqiqat merkizi ötken ayda élan qilghan bir doklatida, eydiz wirusi Uyghur ilida buningdin kéyinki 5 yil ichide üzliksiz kéngiyidighanliqini, qeshqerde eydiz bilen yuqumlan'ghan hamildar ayallarning %5 tin ashqanliqini, bu ehwalning ghuljida %3, turpanda %4din ashidighanliqini we eydiz késili asasliqi rayondiki yerlik milletlerde tarqiliwatqanliqini ilgiri sürgen. Xitay metbu'atlirining yéqinda ashkarilishiche, qarimayda bu yilning deslepki 6 éyida bayqalghan 13 neper eydiz wirusining 11 nepirini Uyghurlar igelligen. Amérika istiratégiye we xelq'ara tetqiqat merkizi, xitay sehiye we bixeterlik organlirini eydiz késilini cheklesh mesiliside öz ara yaxshi maslashmaywatqanliqini tekitligen. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet