Әйдизниң тарқилиши зәһәрлик чекимлик чәккәнләр арисида әң көп һесаблиниду

Әйдиз кесәлликиниң уйғур елидики зәһәрлик чекимлик чәккүчиләр арисидики тарқилиш әһвали һәққидә тәкшүрүш елип бериватқан, америкиниң пәнсилвения университети әйдизниң алдини елиш тәтқиқат мәркизиниң дериктори, дивид мәзгәр әйдиз кесәлликиниң уйғурлар үчүн бир апәткә айланғанлиқини билдүрди.
Мухбиримиз әқидә хәвири
2008.05.27

 Әйдизниң уйғур елидики тарқилиш сәвәблири һәққидә узундин бери тәкшүрүш елип бериватқан девид мәзгәр, авғуст ейида әйдиз кесәлликиниң тарқилиш әһвали һәққидә үрүмчидә кәң көләмлик бир тәкшүрүш елип баридиған тәтқиқат гурупписиға риясәтчилик қилидикән.

У америкида чиқидиған " де инкоайрәр" гезитигә бәргән баянатида, әйдизниң зәһәрлик чекимлик чәккүчиләр арисида тарқилишиниң дуня буйичә уйғурлар арисида әң юқири икәнликини билдүргән. Униң ейтишичә, үрүмчидә әйдизниң зәһәрлик чекимлик чекидиған уйғурлар арисидики тарқилиш әһвали һәққидә елип берилған бир тәкшүрүштә, әйдизниң зәһәрлик чекимлик чәккүчиләр арисидики тарқилиш нисбитиниң 30 пирсәнткә йетидиғанлиқи ениқланған. Һалбуки америкида әйдизниң зәһәрлик чекимлик чәккүчиләр арисидики тарқилиш нисбити ақ тәнликләр арисида 5 пирсәнт, латин америкилиқлар арисида 8 пирсәнт вә қаратәнликләр арисида 12 пирсәнт икән.

Тәкшүрүш нәтиҗисигә қариғанда, әйдиз кесәлликиниң үрүмчидики омуми тарқилиш нисбити йилда 9 пирсәнт болуп, бу дуняда әйдизниң тарқилиши һәққидики әң юқири нисбәт һесаблинидикән.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.