Béyjing da'iriliri sherqiy türkistan küchlirini yene eyiplidi


2005.08.30
Share on WhatsApp
Share on WhatsApp

Uyghur aptonom rayoni partkomining sékritari wang léchü'en, yéqinda Uyghur kishilik hoquqi we dimokratiye herikitining rehbiri rabiye qadirni térorchilar bilen til biriktürdi, dep eyipligendin kéyin, xitay jama'et xewpsizlik ministirliqining yuqiri derijilik bir emeldari seyshenbe küni béyjingda, sherqiy türkistan küchlirige hujum qildi.

Jama'et xewpsizlik ministirliqi térorizimgha qarshi turush idarisining mu'awin mes'uli jaw yongching, " jonggo térorizimning emiliy we yoshurun tehditige duch kelgen dölet. Bu tehdit köp hallarda memliket ichi we sirtidiki sherqiy türkistan térorluq küchliridin kelmekte," dep tekitligen.

Emma xitayning herikiti xelq'ara kishilik hoquq organliri teripidin térrorizmgha qarshi turushni bahane qilip, Uyghurlarning kishilik hoquqini depsende qilish bilen eyiblen'gen. Dunya Uyghur qurultiyi bolsa xitayning eyiblishini ret qilmaqta.

Jaw yongchingning tekitlishiche, xitay hökümiti xelq'ara hemkarliqni kücheytip, qanun chiqirish we edliye organlirining térrorizmgha qarshi herikitini tizlitidiken. Jaw yongching, xitayning hazirgha qeder térrorizmgha qarshi turushni mezmun qilghan 13 türlük xelq'ara kélishimning 10 gha imza qoyghanliqini bildürdi. Emma mutexessisler, xelq'ara jem'iyetning térorizimni chüshünishi bilen xitayning térrorizmgha bergen tedbiri otturisida zor perqler barliqini bildürmekte. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.