Finlandiyidiki bir teshkilat Uyghur élidiki tibbiy xadimlarni yétishtürüshke yardemleshti

2005-01-06
Élxet
Pikir
Share
Print

Finlandiyining bir xelq'ara yardem bérish teshkilati qeshqer wilayetlik sehiye idarisi bilen birliship, charshenbe küni yopurgha nahiyiside yéza tibbiy xadimlirini terbiyilesh kursi achti. Yopurgha nahiyisining her qaysi yéziliridin kelgen 36 neper doxtur, 14 künlük mezkur kursqa qatnashti.

Mezkur teshkilatning alaqidar mes'uli joyis xadim, finlandiyining mutexessisliri we bir qisim terbiyilen'gen yerlik doxturlarning mezkur yéza doxturlirigha asasliqi dawalash, ana- bala saghliqi, yuqumluq késellerdin saqlinish qatarliq mezmunlarda ders ötidighanliqini bildürgen.

Xitay xewer torining xewirige qarighanda, finlandiye hökümitining meblighi bilen qurulghan mezkur teshkilat, Uyghurlar topliship olturaqlashqan qeshqer wilayitide yéza doxturlirini yitishtürüsh ishlirigha yéqindin yardem bérip, hazirghiche 200 din artuq doxturni her xil kurslarda terbiyiligen.

Finlandiyining mezkur teshkilatining qeshqer rayonida "saghlamliqni ilgiri sürüsh programmisi" 2003 - yili bashlan'ghan bolup, asasliqi tibbiy xadimlarni terbiyilesh arqiliq yerlik déhqanlarning saghlamliq terbiyisi éngini kücheytip, turmush sewiyisini östürüshni meqset qilidiken. (Arzu)

Pikirler (0)
Share
Toluq bet