Xitay saqchiliri fransiye muxbirlirini üstün ériqqa kirgüzmidi

Xitay saqchiliri bügün 7 ‏ - ayning 30 ‏ - küni, fransiye muxbirlirini aqsuning kelpin nahiyisidiki üstün ériq yézisigha kirgüzmidi. Fransiye agéntliqining kelpindin xewer qilishiche, kommunist xitay hökümiti üstün ériqqa baridighan yollargha tosaq qoyup 'bu rayon'gha kirishke ruxset qilinmaydu' dégen belgilerni ésip qoyghan.
Muxbirimiz weli xewiri
2008.07.30

Fransiye muxbirlirining aptonom rayon da'irilirigimu, xitay tashqi ishlar ministirlikigimu téléfon qilip, xitay hökümitining muxbirlarning her qandaq jaygha bérip ziyaret qilishigha yol qoyimiz dep wede bergenlikini tilghan élip sorighan su'allirigha jawab bermigen.

Xewerde yene, kommunist xitay 50 nechche yildin buyan hökümranliq qiliwatqan shinjang dégen bu jaydiki we ottura asiyadiki türk tilida sözlishidighan xelqler xitayning diniy we siyasiy bésimigha qarshi köresh qiliwatidu, dep eskertilgen.

Radi'omiz 5 ‏ - ayda, üstün ériqta 10 yil burun sélin'ghan bir meschitning xitay hökümiti teripidin 'qanunsiz dini pa'aliyet ötküzülgen' dégen nam bilen chéqiwetkenlikini xewer qilghan idi.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.