Fukangdiki kan weqesining sewebini tekshürüsh basquchi bashlandi


2005.07.14
Share on WhatsApp
Share on WhatsApp

Xitay dölet kabinti fukang shénlong kan partlash weqesini tekshürüsh komitéti charshenbe küni resmiy quruldi. Döletlik bixeter ishlepchiqirishni nazaret qilish idarisining bashliqi we mezkur guruppa mes'uli li yijung ularning hazirdin bashlap, fukang 11 - iyul kan partlash weqesining kélip chiqish sewebi üstidin tekshürüsh élip baridighanliqini jakarlidi.

Tengritagh xewer torining melumatigha qarighanda, fukang kömür kanida yüz bergen partlash weqeside 83 kishi qaza qilghan bolup, hazirghiche bularning arisida 81 ining jesiti tépilghan. Munasiwetlik orunlar deslepki qedemde bu weqening mes'uliyetsizliktin kélip chiqqan bolushi mumkinlikini ilgiri sürmekte.

Shundaqla deslepki tekshürüsh netijisige asaslan'ghanda, fukang shénlong kömür kanining shamal ötüshüsh qudughi yoqken, bixeter ishlepchiqirish ruxset kénishkisimu yoqken hetta kéngeytip qurush salahi'iyet kénishkisimu béjirilmigen iken. Emma mezkur kan mushundaq ehwal astidimu dawamliq kan qézish ishlirini élip bérishtin sirt, téxi iqtidaridinmu halqighan halda kan qézish ishliri bilen shoghullan'ghan.

Emeliyette bu kanning kömür ishlepchiqirish iqtidari aran 30 ming tonna etrapida bolsimu, bu kan ötken yili 290 ming tonna kömür ishlepchiqarghan. Weqedin kéyinki bésiqturush ishlirigha mes'ul orunlar, hazir deslepki qedemde qaza qilghan her bir kishining a'ilisige 200 ming yu'endin yardem puli béridighanliqini bildürdi. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.