Teptish da'iriliri fukang kömür kénining besh neper mes'ulini qolgha aldi


2005.07.25

Uyghur aptonom rayonining fukang nahiyilik teptish mehkimisi, fukangdiki shénlong kömürkénida yüz bergen 83 neper ishchining kan astida gaz partlash sewebi bilen ölüsh weqesidin kéyin, mezkur kanning besh neper mes'ulini mes'uliyetsizlik qilish sewebidin zor qaza kélip chiqishqa sewepchi bolush bilen qolgha alghan.

Fukang nahiyisining shénlong kömür kénidiki gaz partlash weqesi 7 - ayning 11 - küni yüz bergen idi. Da'iriler tekshürüsh arqiliq weqening kélip chiqishigha bixeterlik eslihelirining yitersizliki, bashqurushning qalaymiqanliqi sewebchi bolghan, dep xulase chiqarghan.

Teptish da'iriliri ötken jüme küni mezkur kömür kanning bash mudiri, kan bashliqi, mu'awin kan bashliqi, ishlepchiqirish téxnika bölümining mudiri we orunlashturghuchi qatarliq besh kishini qolgha élip, mes'uliyetsizlik qilish sewebidin zor weqe kélip chiqishqa jawabkar bolush jinayiti bilen resmi eyibligen.

Bu qétimqi weqe Uyghur aptonom rayoni tarixidiki zor kömür kan weqelirining biri bolup hésablinidu. Weqede ölgenler ichide ikki Uyghur bilen ikki qazaq ishchi bar idi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.