Фукаң көмүр канида өлгәнләрниң сани 76 гә йәтти


2005.07.12
Share on WhatsApp
Share on WhatsApp

Хитай хәвәр агентлиқиниң 12 - июл күни чүштин кейин фукаңдин хәвәр қилишичә, шеңлуң көмүр канида йүз бәргән партлаш һадисисидә өлгәнләрниң сани 76 кишигә йәткән. Қалған 7 нәпәр кан ишчисиниң ақивити техи ениқ әмәс икән.

Уйғур дияридики кан ишлири бихәтәр ишләпчиқиришни назарәт қилиш идарисиниң мәсул мутәхәссиси нәқ мәйдандики тәкшүрүш, қутқузуш ишлири тоғрисида мухбирларға бәргән мәлуматида, қутқазғучи хадимларниң 200 метир чоңқурлуқта йүз бәргән партлаш вәқәсидин кейин, иккинчи қетим йәнә партлаш йүз бериштин сақлиниш үчүн, алди билән кандики газниң қоюқлуқ дәриҗисини төвәнлитиш, шамал йоли ичиш арқилиқ вәқә йүз бәргән җайға йетип берип 76 нәпәр кан ишчисиниң җәсидини тапқанлиқини билдүрди. У йәнә, қалған 7 нәпәр ишчиниң орнини ениқлап болғанлиқини, әмма у җайдики газ қоюқлуқ дәриҗиси хәтәрлик өлчимидин юқири болғачқа, қутқазғучи хадимларниң техи у йәргә баралмайватқанлиқини оттуриға қойди.

Нәқ мәйданда көзитиш елип бериватқан хитай дөләтлик бихәтәр ишләпчиқиришни назарәт қилиш баш идарисиниң мәсули, қудуқ астидики шараитқа асасланғанда, қалған 7 нәпәр кан ишчисиниң һаятидин үмид күткили болмайдиғанлиқини уқтурди. (Илтәбир)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.