Хитайниң ғәриптики газни шәриққә йөткәш қурулиши путунләй тамамланди


2004.08.04
Share on WhatsApp
Share on WhatsApp

8- Айниң 3- күни әттигән саәт 10:30 да, ғәриптики газни шәриққә йөткәш қурулушиниң әң ахирқи туруба еғизи туташтурулиши билән, хитайниң ғәрипни ечиш сияситиниң символи болған 4 миң километирдин ашидиған ғәриптики газни шәриққә йөткәш газ турубиси путунләй туташтурулди.

Хитай хәвәр агентлиғиниң билдүришичә, бу йил 1- айниң 1- күни ғәриптики газни шәриққә йөткәш қурулушиниң шәрқий бөликидин йәни хенән, әнхуй, җияңсу вә шаңхәй қатарлиқ 4 өлкә бир шәһәрдин газ маңғузулған болуп, нөвәттә газ туруба қурулушиниң путунләй тамамлиниши билән, 10 айниң 1- күнидин башлап, мәзкур газ турубисиниң путун бөликидин газ маңғузулидиғанлиғи пиланланмақта.

Хитай мәзкүр қурулушни 2002 - йили 7- айниң 4- күни башлиған болуп, бу туруба ғәриптә уйғур елидин башлинип, 10 өлкә, аптоном район вә бивастә қарашлиқ шәһәрләрни бесип өтүп, шәриқтә шаңхәй шәһириниң бәйхе кәнтигичә туташтурулған.

Хитай һөкүмити мәзкур ғәриптики газни шәриққә йөткәш туруба қурулишиға 43 милярд 5 йүз милйон юән мәбләғ аҗратқан болуп, бу хитайдики арилиқи әң узун, туруба деаметири әң чоң, дәсмайиси әң көп вә нефит маңғузуш миқдари әң чоң тәбии газ турубиси һисаблинидикән.

Хитай нефитлиги тәбии газ гороһи, ғәриптики газни шәриққә йөткәш газ турубисиниң шәриққә 20 милярд куп метир нефит йәткүзәләйдиғанлиғини, һәмдә шәриқни 30 йил муқим һалда газ билән тәминләш иқтидариға игә икәнликини билдүргән. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.