Xitayning gheriptiki gazni sheriqqe yötkesh qurulishi putunley tamamlandi


2004-08-04
Share

8- Ayning 3- küni ettigen sa'et 10:30 da, gheriptiki gazni sheriqqe yötkesh qurulushining eng axirqi turuba éghizi tutashturulishi bilen, xitayning gheripni échish siyasitining simwoli bolghan 4 ming kilométirdin ashidighan gheriptiki gazni sheriqqe yötkesh gaz turubisi putunley tutashturuldi.

Xitay xewer agéntlighining bildürishiche, bu yil 1- ayning 1- küni gheriptiki gazni sheriqqe yötkesh qurulushining sherqiy bölikidin yeni xénen, enxuy, jiyangsu we shangxey qatarliq 4 ölke bir sheherdin gaz mangghuzulghan bolup, nöwette gaz turuba qurulushining putunley tamamlinishi bilen, 10 ayning 1- künidin bashlap, mezkur gaz turubisining putun bölikidin gaz mangghuzulidighanlighi pilanlanmaqta.

Xitay mezkür qurulushni 2002 - yili 7- ayning 4- küni bashlighan bolup, bu turuba gheripte Uyghur élidin bashlinip, 10 ölke, aptonom rayon we biwaste qarashliq sheherlerni bésip ötüp, sheriqte shangxey shehirining beyxé kentigiche tutashturulghan.

Xitay hökümiti mezkur gheriptiki gazni sheriqqe yötkesh turuba qurulishigha 43 milyard 5 yüz milyon yu'en meblegh ajratqan bolup, bu xitaydiki ariliqi eng uzun, turuba dé'amétiri eng chong, desmayisi eng köp we néfit mangghuzush miqdari eng chong tebi'i gaz turubisi hisablinidiken.

Xitay néfitligi tebi'i gaz gorohi, gheriptiki gazni sheriqqe yötkesh gaz turubisining sheriqqe 20 milyard kup métir néfit yetküzeleydighanlighini, hemde sheriqni 30 yil muqim halda gaz bilen teminlesh iqtidarigha ige ikenlikini bildürgen. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet