Ғәрбтики газни шәрққә йөткәш турубисиидин рәсмий газ маңғузулди


Share on WhatsApp
Share on WhatsApp

Хитайниң уйғур елидин башлап, хитайниң шәрқий деңиз бойиғичә туташтурулған ғәрбтики газни шәрққә йөткәш газ турубисидин 9 - айниң 1 - күни, пиландин бир ай бурун рәсмий газ маңғузулди.

Франсийә ахбарат агентлиқиниң хәвиригә қариғанда, 4 миң километир узунлуқтики бу газ турубисиға җәмий 5 милярд 2 йүз милйон америка доллири сәрп қилинған болуп, бу газ турубиси билән уйғур елидин йилиға 12 милярд куп метир тәбиий газ хитайниң шәрқий райониға йәткүзилидикән.

Уйғур елидики тарим нефитликиниң омумий тәбиий газ запас миқдари 8 тирилйон 4 йүз милярд куп метирға йетидиғанлиқи мөлчәрлиниватқан болуп, һазирғичә буниң 658 милярд куп метири ениқланған. Шундақла хитай даирилири тарим ойманлиқида -2010 йилғичә тәбиий газ қидириш миқдарини 1 тирилйон куп метирға йәткүзүшни пиланлимақта.

Уйғур елидики йәрлик хәлқләр вә чәтәлләрдики уйғур паалийәтчилири бир тәрәптин, хитайниң уйғур елидики тәбиий байлиқлардин пайдилиништа, бу байлиқларниң игиси болған йәрлик хәлқләрни һечқандақ пайдиға ериштүрмигәнликини әйиблисә, йәнә бир тәрәптин хитайниң байлиқларни ечишта екилогийилик муһитқа деққәт қилмайватқанлиқидин наразаи болмақта. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.